Gimanduan na usab ang Criminal Investigation and Detection Group o CIDG sa pagtabang sa imbestigasyon sa kamatayon ni kanhi Department of Public Works and Highways Usec. Catalina Cabral.
Matud sa mga awtoridad, ang pag-apil sa CIDG nagtumong sa pagpalig-on sa imbestigasyon ug masiguro nga hapsay, patas, ug komprehensibo ang pagsusi sa nahitabo. Lakip sa tutukan sa CIDG ang pagkuha og dugang ebidensya, pag-interview sa mga saksi, ug pagrepaso sa tanang posibleng anggulo sa kaso.
Sa pagkakaron, padayon pang giusisa kung aksidente ba, nagpakamatay, o adunay foul play ang nahitabo human nga nakaplagan si Cabral nga wala nay kinabuhi sa pangpang sa Kennon Road sa Benguet.
Gipahayag sa kapulisan nga bukas ang imbestigasyon ug walay ginatabunan, samtang giawhag usab ang publiko nga magpabiling kalmado ug maghulat sa opisyal nga resulta sa husay.
