GENSAN –Giawhag sa Security and Exchange Commission (SEC) 12 ang publiko nga dili mosulod sa mga ‘easy money schemes’.
Matud ni Atty. Nechelle Gedorio-Mesias, Director sa SEC Koronadal Extension Office, dako ang risgo sa pag-apil sa mga investment schemes nga karon nagkatag sa social media.
Gibutyag sa nasampit nga angayang dili mahaylo sa mga nagtanyag og taas kaayong kita tungod kay klaro kini nga scam.
Sa iyang pamahayag, nagmugna na ang SEC og Anti-Cybercrime Division aron tutukan ang mga nagapang-recruit gamit ang ilang bag-ong pamaagi sa pagpangilad.
Sa maong lakang, padayon ang ilang koordinasyon sa kapulisan, NBI ug NICA aron paspasan ang aksyon kung adunay motumaw nga reklamo apan gibutyag ni Mesias nga bisan pa sa ilang monitoring, lisod gihapon dakpon ang mga scammers kung walay reklamante, ilabi na kay daghan pa ang nakadawat og pay-out
