Nakahimo ang guard sa Philadelphia 76ers nga si Tyrese Maxey og career-high nga 54 puntos aron pangulohan ang iyang team ngadto sa 123-114 nga kadaugan batok sa Milwaukee Bucks.
Si Maxey nakahimo og 18 ka field goals sa dula, uban sa siyam ka assists, tulo ka steals ug tulo ka blocks.
Ang dula nisulod sa overtime human ang Bucks mibangon sa opensa ug natapos ang ika-4 nga quarter nga tabla sa 106-all.
Pagsulod sa OT, ang Bucks wala na makaagwanta sa init nga opensa sa Sixers nga gipangulohan ni Maxey. Sa mubo nga panahon (5 minutos), ang Sixers nakapuntos og 17 puntos samtang ang 2021 NBA champion nakakuha lang og walo ka puntos.
Nasayang ang double-double performance sa sophomore NBA player nga si Ryan Rollins kay napildi ang Bucks.
Si Rollins nabasa sulod sa 40 minutos, ug nakapuntos siya og 13 ka field goals para sa 32 puntos samtang naka-post usab og 14 ka assists.
Sa nasangpit nga duwa, ang mga bida sa duha ka team nga sila si Joel Embiid ug Giannis Antetokounmpo wala nakaduwa.
Bisan pa niini, ang duha ka team nagpakita og impresibong opensa diin ang Bucks nagmintinar og 49% nga shooting samtang ang Sixers nakaabot og 43%.
Ang bugtong dakong bentaha sa Philadelphia mao ang 21 ka free throws nga na-iskor sa tibuok duwa samtang ang Bucks nakaabot lang og napulo ka free throws.
