GENSAN– Gipaklaro ni Engr. Vic Santos sa DPWH Bureau of Construction ang kalabotan sa padayong suporta sa Lokal nga Panggamhanan sa Gensan sa gipahigayong underpass project.
Gibutyag ni Engr.Santos nga tibuok ang suporta sa LGU aron mapadali ang pagtapos sa maong proyekto.
Gibutyag niini nga ‘time to time’ nagapangayo sila og tabang sa Public Safety Office og City Engineers Office.
Nagpasalamat usab si Engr.Santos sa paspas nga pagpangita ni Mayor Lorelie Pacquiao og solusyon sa giduol nila nga problema kabahin sa padayong konstruksyon.
Nasayran nga human madawat ang dugang mga reklamo ug kabalaka bahin sa underpass project, gipatawag dayon sa Mayor ang mga representante sa Department of Public Works and Highways (DPWH) ug sa kontraktor sa proyekto aron personal nga hisgutan ug matubag ang mga isyu sa labing dali nga panahon.
