GENSAN– Electrical short circuit ang gidudahan nga hinungdan sa dakong sunog nga natigayon Purok Estela Maris, Brgy. Tambler ning dakbayan sa Gensan.
Kahinumdoman nga pasado alas 3:00 sa hapon, October 8 dihang natigayon ang sunog diin gibutyag sa mga residente nga una nilang nakit-an ang pag-ulbo sa kalayo sa usa ka stall og paspas na kining midako og mikatay sa uban pang katapad nga stalls.
Gibanabana sa Bureau of Fire Protection GenSan nga anaa sa P80,000 ang damyos apan hangtod karon giimbestigahan ang tinuod nga hinungdan sa sung.
Nasayran nga dili lang mga fire truck gikan sa BFP-GenSan ang miresponde apan mitabang usab ang mga fire truck gikan sa pribadong Fire Brigade sa dakbayan.
Hinuon maayo na lamang nga walay reported nga nasamdan o nakabsan sa kinabuhi sa sunog.
