GENSAN– Malipayon nga nagpahibalo ang Bombo Radyo Philippines, the number one and most trusted source of news and information, sa pagpahigayon sa nasudnon ug multi-awarded bloodletting campaign, ang “Dugong Bombo: A little pain, a life to gain.”
Kini nga talagsaong kalihukan pagahimoon dungan sa Nobyembre 15, 2025, Sabado, sa 25 ka dagkong lugar sa tibuok nasod, diin nag-operate ang network sa 32 ka fully digitalized nga AM ug FM stations.
Dinhi sa General Santos, ipahigayon kini sa Robinsons Gensan alas 6 sa buntag hangtud alas 5 sa hapon.
Ang Dugong Bombo giila nga pinakadakong single-day bloodletting event sa Pilipinas, usa ka partnership tali sa Bombo Radyo Philippines Foundation, Inc. ug sa Philippine Red Cross.
Ang “Dugong Bombo: A little pain, a life to gain” dili lang usa ka kampanya, kundili usa kini ka panawagan sa matag Filipino nga mahimong bayani.
Sa miaging tuig, ang malampusong kalihukan sa Bombo Radyo Philippines nakatabang sa pag-replenish sa supply sa dugo sa nasod pinaagi sa pagkolekta og kapin sa 2.1 milyon ka cc sa dugo, katumbas sa 2,081 ka litro, 550 ka galon, o 10 ka drum sa dugo.
Para sa registration, palihug kontak sa 09189053091 o bisita lang dinhi sa Bombo Radyo Gensan.
