3 patay sa sunog sa bodega sa pabuto sa Valenzuela City

Labing minos 3 ka tao ang namatay human nibuto ang fireworks storage facility sa Valenzuela City.

Ang mga biktima pulos menor de edad, duha niini pito ka tuig nga kaluha nga babaye.

Base sa imbestigasyon sa mga otoridad, nahitabo ang insidente sa residential area sa Paisa Street sa Batimana Compound mga alas 11:30 sa buntag.

Lain pang pito ang gidala sa tambalanan human nakaangkon ug samad sa nagkadaiyang parte sa ilang kalawasan.

Upat ka mga balay ang nangaguba tungod sa kusog nga pagbuto.

Wala’y nakit-an nga ebidensya sa improvised explosive device o IED ang mga pulis sa lugar.