GENSAN-Suportado ni City Vice Mayor Edmar Yumang ang desisyon ni Pangulong Ferdinand “Bongbong” Marcos Jr. sa pag-angkon ug independent commission on infrastacture aron imbestigahan ang anomalya sa mga flood control projects sa nasud.
Matod niya, kini usa ka maayong lakang aron masuta ang tinuod nga kahimtang sa proyekto nga unta makatabang sa katawhan, apan karon naghatag na hinuon og kadaut sa mga komunidad.
Gisuportahan usab ni Yumang ang papel sa Senado, ilabi na sa Blue Ribbon Committee, sa pagdumala sa imbestigasyon, bisan pa man adunay kabalaka sa ”partiality” tungod adunay mga senador nga giingong nakadawat matod pa og kickback.
Gihangyo niya nga ang imbestigasyon nga mahimong tinuod ug transparent.
Sa katapusan, giawhag ni Yumang ang katawhan nga magmatngon ug gamiton ang ilang katungod sa freedom of expression ug freedom to assemble aron ipadayag ang ilang baruganan batok sa mga anomalya.
