Manny Pacquiao, nihatag ug tribute kay British boxing legend Ricky Hatton

Mipadayag si Hall of Famer Manny Pacquiao sa iyang kakurat sa kamatayon ni Ricky Hatton nga mitay-og usab sa kalibotan sa isports kagabie.

Nasayran nga nagbakasyon ang Filipino icon uban sa iyang asawa nga si Jinkee Pacquiao dihang nahibalo sa balita.

Matod ni Pacquiao nga si Hatton mahinumdoman hangtod sa hangtod ilabi na sa boksing.

Gibutyag ni Manny nga ang iyang away batok sa British legend niadtong May 2, 2009 mitapos sa usa ka talagsaong knockout sa Round 2 alang sa Filipino icon, maoy usa sa iyang labing halandumon nga mga away.

Nasayran nga namatay si Hatton sa edad nga 46, kung asa nakaplagan siya nga patay sa iyang balay sa Hyde, amihanan-kasadpan sa England.