Matigayon na karong adlawa ang Closing Ceremony sa Tuna Festival 2025 nga ipahigayon sa Pionner ave. niing dakbayan sa Heneral Santos .
Gilauman nga dakong pagtigom sa katawhan ang maong kalihukan diin pagapakitaon ang pinakapuno nga presentasyon sa musika, sayaw ug pasundayag nga nagpasigarbo sa kultura ug identidad sa syudad nga nailhan isip “Tuna Capital of the Philippines.”
Matod sa festival organizers, giplastar na ang mga programa alang sa katapusang gabii sa pista naay mga bisita nga muabot nga gikan sa kauluhan .
Gipangayo usab sa lokal nga pangagamhanan ang suporta ug kooperasyon sa mga katawhan aron masiguro nga hapsay ug malinawon ang maong kalihukan hangtod sa pagtapos niini.
Sumala ni Mayor Lorelie Pacquiao, ang Tuna Festival dili lamang pista kondili usa ka dakong pasidungog sa kalig-on sa tuna industry nga mao’y nagpalig-on sa ekonomiya ug pagpadayag sa talento sa mga Generals._
