Giimbitar sa House Infrastructure Committee (Infra-Comm) hearing ang mga kontraktor sa kuwestiyonableng proyekto sa Bulacan, nga personal nga gibisita ni Presidente Ferdinand “Bongbong” R. Marcos Jr.
Matod ni House Public Accounts Chairman Rep. Terry Ridon nga ang mga kompanya nga nalambigit sa kontrobersiya, sama sa SYMS Construction Trading ang kinahanglan usab nga mohatag og pagpaklaro.
Matod ni Ridon, ilang imbitahan ang SIMS Construction Trading, ang giingong contractor sa ghost flood control project sa Bulacan.
Iyang gihingusgan nga kinahanglang anaa usab ang Government Procurement Policy Board ug ang Philippine Contractors Accreditation Board, tungod sa bag-ong mga pasangil nga bisan ang proseso sa accreditation sa mga kontraktor mahimong mabulit sa kurapsyon.
Una nang niingon si Ridon nga ang mga kontrobersyal nga proyekto nga gitumbok sa Bulacan dili congressional insertions, kondili mga proposal nga nalakip na sa National Expenditure Program (NEP) nga giandam sa Department of Public Works and Highways.
Giklaro ni Ridon nga ang unang pagdungog magtutok sa mga proyekto sa Bulacan nga nabisita na sa Presidente.
