-- ADVERTISEMENT --
Nanawagan si Vice President Sara Duterte sa mga opisyal sa gobyerno nga magpakita og integridad, manubag sa ilang mga lihok ug unahon ang pagserbisyo sa katawhan imbes nga isipon nga pribilehiyo ang ilang posisyon.
Matod niya, angay nga tinguhaon sa mga Pilipino ang usa ka nasud nga adunay dignidad, seguridad ug paglaom, diin mahimong matuman ang mas maayong kaugmaon pinaagi sa hiniusang paningkamot.
Gipasiugda usab niya ang dakong papel sa mga lider sa paggiya sa nasud ug sa pagpalambo sa hiniusang pangandoy alang sa umaabot nga mga henerasyon.
Matod pa ni Duterte, dili angay nga madaot tungod sa kagubot sa politika ang mga pangandoy sa mga Pilipino alang sa ilang nasud.
