Gipangulohan mismo ni Pangulong Ferdinand “Bongbong” Marcos Jr. ang pormal nga commencement exercises sa Philippine Merchant Marine Academy (PMMA) nga gipahigayon sa siyudad sa San Narciso, Zambales.
Sa iyang mensahe, gidayeg sa Pangulo ang dedikasyon ug sakripisyo sa mga graduates nga mipili sa karera sa maritime industry, diin ilaha kining giatubang bisan pa sa dagkong hagit ug kalisod.
Giingon ni Marcos Jr. nga ang ilang kaalam ug kahanas mao ang magpalig-on sa sektor sa dagat nga usa ka importante nga haligi sa ekonomiya ug seguridad sa nasud.
Gipasiugda usab sa Presidente ang papel sa mga marino sa pagpadayon sa internasyonal nga reputasyon sa Pilipinas isip usa sa mga nag-una nga provider sa mga dekalidad nga seafarers.
Gipasalamatan niya ang mga ginikanan, pamilya, ug magtutudlo sa walay puas nga suporta ug gi-awhag ang mga bag-ong opisyal sa dagat nga magpabilin nga matinud-anon, disiplinado, ug mapatigbabaw sa interes sa nasud bisan asa sila dad-on sa ilang propesyon.
