Gideklarar nga usa ka special non-working holiday sa General Santos City ang Setyembre 5, 2025, base sa opisyal nga mando sa gobyerno.
Ang maong petsa mao ang pagtapus sa Tuna Festival, ang tinuig nga kasadya nga nagpasidungog sa industriya sa tuna nga mao’y usa sa nag-unang nagapalig-on sa ekonomiya sa siyudad.
Ang pagdeklarar sa special non-working holiday naghatag og higayon sa mga Generals nga makapahimulos ug makasalmot sa nagkalain-laing kalihokan sa pagsirado sa pista, lakip na ang street dancing, float parade, ug mga cultural shows nga magpasundayag sa talento ug kultura sa katawhan sa Gensan.
Gipasabot sa mga lokal nga opisyal nga ang holiday usa ka pahalipay ug pagpasalamat sa kontribusyon sa sektor sa pangingisda ug pagpanarbaho nga nagdala og dungog sa siyudad.
Giawhag usab ang mga residente ug bisita nga magmalipayong mosalmot apan magmatngon gihapon alang sa kaluwasan sa tanang kalihokan.
