Hamas andam nga pasudlon ang Red Cross nga magdala og tambal og pagkaon sa mga bihag nila

Andam mutubag ang Hamas sa panawagan ni Israeli Prime Minister Benjamin Netanyahu sa Red Cross nga pasudlon ang mga tambal og pagkaon alang sa mga bihag sa Gaza.

Sumala sa Hamas mahitabo lamang kini kung hingpit nga maablihan ang Gaza strip og hingpit nga muhawa ang mga puwersa sa Israel.

Una ng gitawagan ni Israeli President Isaac Herzog si International Committee of the Red Cross President Mirjana Spoljaric kung asa gibutyag niini nga angayang mulihok na sila alang sa mga bihag.

Gibanabanaa nga anaa sa 49 nga bihag gihapon ang gihuptan sa mga Hamas.

Gisiguro sa Hamas nga magkooperar sila sa Red Cross nga magdala sa mga pagkaon og tambal alang sa mga bihag basta sa kondisyon nga maablihan ang humanitarian corridors.