Mipadayag ang mga miyembro sa nagkadaiyang grupo sama sa Akbayan Partylist, KMU-Tagapamandila ng Tunay na Unyunismo, Panalipdan Youth Davao, Kabataan Partylist ug Anakbayan Southern Mindanao atol sa ilang rally karong adlawa Hulyo 28, 2025, sa Roxas Avenue St. Davao City.
Ilang gipadayag ang hugot nilang panawagan sa gobyerno nga itaas ang suweldo, ilabi na sa mga minimum wage earners nga nag-antus sa taas nga presyo sa palaliton ug serbisyo.
Gibatikos usab sa mga raliyista ang administrasyong Marcos-Duterte tungod sa ilang giingong kapakyasan sa pagtubag sa nagkadaghang isyu sa ekonomiya ug serbisyo publiko.
Matod nila, nagpabiling taas ang kahimtang sa korapsyon nga maoy hinungdan sa kalisud sa mga Pilipino.
Samtang, gipasiugdahan pa sa mga nag-rally ang ilang mensahe pinaagi sa pagpakita og imahe sa presidente nga ilang gilarawan isip simbolo sa “lala nga administrasyon.”
Panawagan nila nga panubagon si Presidente Ferdinand Marcos Jr. ug si Vice President Sara Duterte sa ilang kapalpakan sa pagpangatungdanan.
via|| Bombo Jerwin Ngoho
