Vlogger nga naga-drive nga nagapatong ang tiil sa bangko og nagabika, suspendido ang lisensiya tungod sa reckless driving

Gisuspende sa Land Transportation Office (LTO) og 90 ka adlaw ang driver’s license sa vlogger nga nagmaneho nga nagatungtong ang tiil sa bangko og nagabika pa kini.

Sumala kang Transportation Secretary Vince Dizon, wala ginatugutan sa DOTr og LTO kini nga iresponsable nga pagmaneho.

Nag-isyu ang LTO og show cause order kang Cherrylyn Larga Gonzaga a.k.a. Cherry White, nga ginapangayuan og pagpaklaro kun nganong dili siya angayang pasakaan og kaso nga reckless driving og kun nga dili angayang suspindihon ang iyang driver’s license.

Gimanduan si Cherry White nga mag-atubang sa LTO sa Miyerkoles, Hulyo 16, alas-onse sa buntag para magpaklaro.