Malipayon nga gipangunahan ni South Cotabato Governor Reynaldo S. Tamayo Jr. ang opening program sa Tnalak Festival sa diin gitambungan og gisaksihan usab sa nagkalain-laing mga opisyal sa 10 ka munisipyo og usa ka syudad nga naglangkob sa South Cotabato.
Lakip usab sa mga nagtambong ang mga nagkalain-lain nga personalidad, private sectors og mga tribu og uban pang mga bisita.
Nahimong sentro sa mensahe sa gobernador ang panaghiusa sa mga tribu sa probinsiya sa diin gibutyag niini nga halos 20 na ka mga tribu ang anaa sa kasamtangan sa probinsiya og naga panginabuhi og malinawon og tawhay.
Gipasalamatan usab sa opisyal ang mga indigenous people og mga tribu nga muslim settlers.
Gibutyag usab niini nga ang panaghiusa sa mga katigulangan sa tanan nga tribu sa una, mao ang nahimong sandigan sa maayong panaghiusa og mao usab ang simbola sa pagsaulog sa Tnalak Festival.
Sa katibuk-an nahimong malampuson og sadya ang opening ceremony sa 26th T’nalak Festival and 59th Founding Anniversary sa South Cotabato
