Pipila pa ka sako nga adunay bukog, nakita sa Taal Lake

Nakaplagan sa Philippine Coast Guard (PCG) sa gipahigayong search and retrieval operation ang pipila pa ka sako sa Taal Lake, Batangas.

Karong adlawa, nagsugod ang search and retrieval operation sa mga patayng lawas sa mga nangawala nga sabungero nga giingong gilabay sa Taal Lake sulod sa upat ka tuig sugod niadtong 2021.

Wala pa makahatag ang PCG sa eksaktong gidaghanon sa mga sako nga gidudahang adunay sulod nga bukog sa tawo nga nakit-an sa linaw.

Kagahapon sa hapon, nadiskubrehan usab ang usa ka sako nga adunay sulod nga giingong bukog sa tawo, apan sumala sa Department of Justice, ipaubos pa kini sa forensic examination.