BUTUAN CITY – Nailhan na ang upat ka mga minero nga na trap sa usa ka mining tunnel sa Sitio Cosep, Purok 11 Barangay Bayugan 3 Rosario Agusan del Sur. Naila ang mga biktimang sila:
- Arniel Alvarado -38 anyos
- Richard Bustamante -28 anyos
- Jangan Balagno -31 anyos
- Jeffry Tabugon alyas Dior – 29 anysos
Gikumpirma ang maong impormasyon sa kapitan sa nasangpit nga Barangay nga si Michael Rhay Hambala.
Posibleng ugma pa sa hapon, Hunyo 5, mahabwa ang patayng lawas sa upat ka mga minero nga anaa sulod sa tunnel sa Aguasn del Sur kansa nasudlan og tubig.
Sumala sa membro sa usa ka minero nga si Ronaldo Torreblanca, sa eksklusibong pakighinabi ning sibyahan, nga kamulo pang gisuyopan ang nasangpit nga tunnel. Apan subay niini, hinay ang habwa sa tubig rason nga laumang ugma pa kini sa hapon mahubas, ayha makuha ang mga gituohang nalumos na nga mga minero.
Sayrang wala makagawas sa tunnel ang upat ka mga minero dihang mibuto ang gisudlan nilang tunnel sa bukirang bahin sa Mahunok, sakop sa Brgy. Bayugan 3, Rosario, Agusan del Sur kagahapong adlawa, Hulyo 3.
Sa kasamtangan, kamulo pa ang paghabwa og tubig sa nasangpit nga tunnel gamit ang water pump.
