GENSAN – Hugot ang pahimangno sa kapulisan sa katawhan nga mag-amping sa pagkamaneho og sakyanan.
Kini human natala ang anaa sa 933 ka vehicular accident ang ilang narespondihan sugod Enero hangtud karong bulan sa Hunyo.
Matud pa ni Police Captain Lamberto M. Rabino Jr, Deputy Chief sa Traffic Enforcement Unit(TEU) GenSan nga sa maong ihap anaa sa 31 ang nakabsan sa kinabuhi nga daghan ang dead on arrival sa ospital.
Nasuta ang kasagaran sa nalambigit sa disgrasya ang motorsiklo gumikan sa paspas nga pagpadagan og hubog ang driver.
Miapila siya sa mga motorista nga hinay lang kung magmaneho sa sakyanan aron makalikay sa disgrasya
Angayang sundon ang mga patakaran aron nga dili malambigit sa vehicular accident. Nasuta usab nga ang daghan sa mga nalambigit sa aksidente ang wala mga igong dokomento ang mga drivers
