Kapin 17,000 ka mga tawo ang nagtigum sa Bangkok, Thailand Sabado, nga gapanawagan sa pagluwat sa pwesto ni Prime Minister Paetongtarn Shinawatra.
Ang protesta natigayon gumikan sa misamot nga dili maayong kahimtang sa ekonomiya tungod sa border issue tali sa Cambodia.
Sumala ni Panthrep Pourpongpan, lider sa mga raliyista, gikondena nila si Shinawatra isip hinungdan sa kalisod sa ekonomiya sa ilang nasud.
Natigayon ang protesta human sa engkwentro tali sa Thailand ug Cambodia nga nag-angkon sa parehas nga teritoryo sa utlanan.
Gipalala pa sa isyu ang na-leak nga tawag sa telepono, diin nadungog nga gisaway ni Shinawatra ang usa ka military commander sa
Thailand ug nagpaubos sa dating lider sa Cambodia nga si Hun Sen.
Kahibaluan nga gibawal sa Thailand, ang pagsaway sa publiko sa militar gumikan lig-on ang ilang impluwensya.
Tungod niini, nangayo og pasaylo si Shinawatra human nga magleak ang kontrobersyal nga tawag.
Apan, sa pagkakaron, daghang mga Thai ang nagtuo nga gimanipula ni Hun Sen ang pamilya ni Shinawatra.
