Kinumpirma sa Department of Justice (DOJ) nga adunay gunit nga video ang testigo nga giila isip si alyas ‘Totoy’ sa mga impormasyon nga gibutyag sa mga nawala nga mga sabungero.
Matud kang Justice Secretary Jesus Crispin Remulla, lig-on ang gunit nga ebidensya ni alyas ‘Totoy’ nga makapamatuod sa iyang gipaambit kaniya.
Matud niya dili ni lamang basta testimonya ang iyang gibutyag, apan aduna usab mga dokumento nga magsuporta sa impormasyon.
Dugang pa sa kasamtangang kalihim nga dili lang kini ebidensiya tungod si alyas ‘Totoy’ usab ang naghupot ug nag-share sa video nga nagpakita sa kamatuoran sa iyang gisulti.
Kahinumduman nga unang gibutyag sa testigo nga patay na ang mga missing nga mga sabungero ug gilubong sa Taal Lake ang ilang mga lawas.
Kahinumduman usab nga gipaambit ni Justice Secretary Remulla nga dugay na niyang nakig-estorya si alyas ‘Totoy’ hinungdan nga ila na kining gisusi pag-ayo.
Tungod niini, gitun-an ang posibilidad nga makuha ang nahisgutang testigo nga mitunga aron mahimong ‘state witness’ sa kaso sa pagkawala sa mga biktima sa sabungero.
Gipaambit usab ni Justice Secretary Remulla nga personal niyang gipaminaw ang video nga gihuptan sa testigo nga giilang si alyas ‘Totoy’.
Dinhi, iyang gibutyag nga mahimong manghilabot pa ang ‘mastermind’ sa hudikatura o sa Korte Suprema sa nasud labot sa kaso.
