Nakatakda ngamuling muatubang si kanhi Negros Oriental Representative Arnolfo ‘Arnie’ Teves Jr. sa usa ka bag-ong arraignment ug pre-trial sa iayahang mga kaso.
Diin gikatakdang ipaubos siya sa bag-ong arraignment ug pre-trial sa Manila Regional Trial Court Br. 12 karong umaabot nga Lunes, Hunyo 30, alas 8:30 sa buntag.
Subay sa dokumento nga giluwatan sa maong korte pinaagi ni presiding Judge Renato Enciso, nagmando kini nga ipresentar sa husay ang kanhi kongresista.
Kini tungod sa pagsumiter sa Return of Warrant of Arrest ngadto sa korte sa National Bureau of Investigation-Cybercrime Division uban ang pagpasabot sa pagkasikop ni kanhi Negros Oriental Rep Arnie Teves Jr.
Busa, gipaabot sa korte nga mopatim-aw ang kanhi kongresista sa iyang gikatakdang pag-atubang sa kaso nga iyang gilambigitan.
Kahinumduman nga nag-atubang na siya kaniadto og mga kasong may kalambigitan sa illegal possession of explosives ug illegal possession of firearms.
Nalambigit usab siya sa krimen nga may kalabotan sa pagpatay diin gipasanginlan ang atong kongresista nga maoy ‘mastermind’ sa pagpatay kang kanhi Negros Oriental Governor Roel Degamo.
Sa pagkakaron nagpaalim pa si Teves sa operasyon sa Philippine General Hospital tungod sa grabeng sakit sa tiyan.
Magpabilin siya sa kustodiya sa Bureau of Jail Management and Penology kon BJMP sa Bicutan, Taguig City.
