GENSAN– Hilabihan ang kasubo sa pamilya sa usa ka taekwondo instructor human kini nga gitigbas patay sa kauban sa trabaho sa pinyahan sa Polomolok South Cotabato.
Giila ang biktima nga si Eduardo Abnaway, 43 anyos, kung asa nakaangkon og daghang samad tinigbasan sa nawong.
Matud pa ni Denmark Abnaway, anak sa biktima nga milakaw ang ilang amahan kagabie sa Cannery tungod mag-cash advance.
Apan kaganihang buntag gipahbalo sila sa iyang uyoan nga nadala sa punerarya ang amahan niya tungod gipatay sa kauban sa trabaho dihang ngakauban sila sa inom kagabie.
Matud pa ni Denmark nga buotan og walay libog ang iyang amahan.
Apan brutal nga gipatay sa suspek nga ilang gituohan nga pang-chop-chop sa pinya ang gigamit sa pagtigbas. Sa karon wala pa madakpi ang suspek.
Nanawagan ang nasampit nga musurender kini sa kapulisan og atubangon ang nahimo nga salaod
