Nakatala ang Philippine National Police og kinatibuk-ang 3,616 ka mga indibidwal nga nakalapas sa election gun ban sa bag-ohay nga election period sa nasud.
Kini nga datos gikan sa PNP natala gikan sa Enero 12 hangtod Hunyo 11 ning tuiga.
Gi-report usab sa kapolisan ang nasakmit nga 3,702 ka armas sa maong panahon.
Sa usa ka pamahayag, ang Philippine National Police miingon nga ang 2025 midterm National ug Local Elections karong tuiga sa kinatibuk-an malinawon.
Base sa datus gikan sa National Election Monitoring Action Center, ang PNP nagpahigayon og kinatibuk-ang 998,679 ka election checkpoints sa tibuok nasod, nga miresulta sa pagkasikop sa 265 ka mga indibidwal.
Miresulta usab kini sa interception sa 1,879 ka indibidwal, 556 ka indibidwal ang nasikop sa anti-illegal drugs operations, 229 gikan sa gun buy-busts, 686 gikan sa ubang law enforcement operations ug usa tungod sa internal security operation sa Bicol Region.
Ang bag-ong pamunuan sa PNP nipasalig nga ang ilang han-ay magpadayon sa pagbantay sa tanang bahin sa nasud aron masiguro ang kaluwasan sa matag Pilipino
