Nakuha ni Chrisia Mae Tajarros gikan sa Rehiyon 8 ukon Eastern Visayas ang labing-una nga bulawan nga medalya sa Palarong Pambansa 2025 sa secondary girls’ 3,000m run.
Sumala kay Chrisia Mae, bisan sa kalisod og kakapoy nga iyang nasinatian sa matag practice, kini ang gibayloan og kadaugn.
Sumala sa nahisgutan nga nagsugod siya sa athletics dihang Grade 1 pa lang siya.
Giklaro niya nga ang iyang orihinal nga sport mao ang paglangoy ukon swimming apan nagbalhin sa athletics.
Gipasalamatan usba ni Chrisia ang Dios sa iyang bag-o nga kadaugan og giangkon nga kapoy sa training apan gihimo niya ang makaya aron makab-ot ang iyang ginahandum nga medalya.
Si Tajarros usa ka Grade 9 Student sa Tanauan National High School sa Leyte sa diin nakakuha kini og silver medal sa Cebu City sa nakalabay nga tuig.
Kahibaluan nga sumala sa coach ni Chrisia nga si Mr. Damaso Olidan Jr., nagasugod ang ilang training alas 7:00 sa buntag hangtod alas 12:00 sa udto.
