Giingnan ni US President Donald Trump si NBA star LeBron James nga mangayo og pasaylo tungod sa giingong pagpakita niini og kawalay pagtahod sa ‘national anthem’ sa Estados Unidos.
Matud ni Trump, wala man lang mohunong si James sa iyang gibuhat samtang gipatokar ang ‘national anthem’ sa nasud.
Nahitabong ang insidente samtang nagpraktis kini sa pag-swing sa golf ug pag-shoot sa basketball sa wala pa ang dula batok sa New York Knicks.
Giinsistir ni Trump nga wala tahora sa NBA star ang nasud, busa importante nga mangayo kini og pasaylo ug paghangyo og kapasayloan sa mga bayani ug sa mga bantugang sundalo sa Amerika.
Dugay nang gisaway ni Trump si James, diin gitawag pa niini nga dili intelihente ang atleta niadtong 2018, human gipadayag ni James nga wala kini plano nga molingkod tapad sa presidente.
Giakusaran usab ni James si Trump nga usa ka ‘rasist’.
Samtang niadtong Hulyo, gipili ni Trump si Michael Jordan isip labing maayo nga basketbolista sa tibuok kalibotan.
