-- ADVERTISEMENT --
Nakadaug og bronze medal si Ma. Ravinia Carpena sa women’s shot put F20 event sa 5th Asian Para Games sa Aichi-Nagoya, Japan, human nakarekord og bag-ong personal best nga 11.39 meters.
Nakuha ni Carpena ang ikatulong puwesto sa finals, sunod kang Reina Hori sa Japan nga nakadaog sa gold medal pinaagi sa gilay-on nga 13.57 meters, samtang silver medalist si Siti Noraidah Suherman sa Malaysia nga nakarekord og 11.41 metros.
Bisan pa sa hugot nga kompetisyon, nalabwan ni Carpena ang iyang kanhing rekord.
Samtang, anaa sa ika-18 nga puwesto ang Pilipinas sa kinatibuk-ang medal tally sa Asian Para Games 2026, nga adunay duha ka gold, duha ka silver ug tulo ka bronze medal, o kinatibuk-ang pito ka medalya.
