Wala nagdali si Gilas Pilipinas head coach Tim Cone sa pagpaayo ni Kai Sotto.
Matud pa nga dad-on lang niini ang 7-foot-3 nga si Sotto sa Jeddah, Saudi Arabia alang sa FIBA Asia Cup gikan sa Agosto 5-17.
Sa pamahayag ni Cone nga dili makaduwa o makapraktis si Sotto tungod kay wala pa hingpit nga maayo ang iyang injury.
Matud niya nga importante karon nga anaa ang presensiya ni Sotto aron nga makit-an ang dula sa laing mga team.
Bisag gilauman nga makaapil sa dula sa Gilas si Sotto sa bulan sa Nobyembre o Disyembre alang sa pagsugod sa FIBA World Cup qualifiers, apan wala gipaspasan ni Cone nga magmaayo ang maong player.
Ang Gilas Pilipinas anaa sa Group D kauban ang New Zealand, Chinese Taipei, ug Iraq.
Unang makigsangka ang Gilas sa Taiwanese sa Agosto 6, sundan sa New Zealand sa Agosto 8, ug Iraq sa Agosto 10.
