-- ADVERTISEMENT --
Gidakop sa Criminal Investigation and Detection Group (CIDG) ang mayor sa South Upi, Maguindanao del Sur ug iyang asawa tungod sa giingong kalambigitan sa pagpatay sa iyang bise mayor niadtong Agosto.
Ang pagkasikop ni Mayor Reynalbert Insular gipahigayon sa Barangay Making sa Parang, Maguindanao del Norte.
Gi-serve sa mga otoridad ang warrant of arrest sa kasong murder, frustrated murder ug attempted murder nga giisyu sa Regional Trial Court Branch 27 sa Cotabato City niadtong Lunes.
Kahinumdoman nga niadtong Nobiyembre sa miaging tuig, ang gimugnang special investigation task group ang nipasaka og kaso batok sa 12 ka mga akusado lakip na si Mayor Insular ug asawa niini tungod sa panagkunsabo ug pagplano og ambush.
