Gipabilib na usab ni Dolly de Leon ang mga nanambong sa premiere sa “Nine Perfect Strangers” Season 2 sa The Beverly Estate sa Los Angeles.
Si De Leon nagsul-ob og illusion mesh slip dress gikan sa Brooklyn-based nga brand nga Kid Super, nga adunay futuristic ug anatomical nga disenyo. Iya kining gi-access sa usa ka sleek hairstyle ug oversized glasses.
Sa iyang Instagram post, si De Leon nagkanayon nga mapasalamaton siya sa maong proyekto ug excited siya sa serye nga ipasalida karong Mayo 22.
Si De Leon maoy modala sa papel ni Agnes, kanhi madre nga adunay misteryosong kaagi. Usa siya sa mga nag-unang karakter sa ikaduhang season sa serye, nga naglakip usab ni Nicole Kidman, Murray Bartlett, Annie Murphy, Christine Baranski, Henry Golding, ug uban pa.
Nine Perfect Strangers, base sa nobela ni Liane Moriarty, nagtuyok sa siyam ka mga estranghero nga nagtapok sa usa ka misteryosong wellness retreat.
Ang maong serye isalida karong Mayo 22.
