Mamahimo pa gihapon nga nanumpa si kanhi Pangulong Rodrigo Duterte sa iyang bag-ong serbisyo isip Mayor-elect sa Davao City bisan nga nabilanggo kini sa International Criminal Court.
Kini ang gikanayon ni Senate President Francis “Chiz” Escudero kung asa matud pa pinaagi sa consular office sa Pilipinas sa The Hague, Netherlands ang mamahimong manumpa isip alkalde.
Gawas niini gumikan dili pa mamahimong muuli ang kanhi pangulo subay sa local government code, ang muhulip kaniya mao ang anak nga si Vice Mayor-elect Baste Duterte.
Gihingusgan ni Escudero nga katungod ni Duterte subay sa rules sa The Hague ug may proseso na sa susamang sitwasyon.
Wala usab gatuo si Escudero nga adunay gahum ang International Criminal Court para idiskwalipika si Duterte sa paghupot sa unsa mang posisyon sa gobyerno bisan nga mapamatud-ang adunay salaud.
Pagpaklaro sa senador bisan nga mahukman si Duerte, dili usab otomatiko ang absolute perpetual disqualification gumikan nag-apply lamang sa pipila ka mga kaso ug dili sakop sa korte sa nasud ang ICC.
