Kapin sa 2,700 na ka mga tawo ang nasikop sa election gun ban

Kapin sa 2,700 ka mga tawo ang naaresto gumikan sa pagsupak sa election gun ban.

Matud pa sa Commission on Elections (Comelec) nga gikan Enero 12 hangtud Mayo 1, anaa sa 2,787 ang katibuk-ang nasikop gumikan sa pagsupak sa gun ban base sa datos sa Comelec.

Sa maong ihap anaa sa 2,668 ang sibilyan, 47 ang security guards, 19 ang miyembro sa Philippine National Police, og 16 ang miyembro sa Armed Forces of the Philippines.

Gibutyag nga anaa sa 2,870 ang katibuk-ang ihap sa mga pusil nga nakumpiska sa mga operasyon og sa mga checkpoint.

Gikalangkuban sa 2,589 ka short firearms, 112 replika, 58 light weapons, 32 airsoft gun, og kapin sa 10,000 ang nagkadaiyang matang sa bala.