Kasong Violation of Article 200 of the Revised Penal Code o mas naila nga Grave o Public Scandal ang ipasaka sa duha ka content creators sa dakbayan sa Cabadbaran nga nag viral, human mihimo ug video tungod mismo sa Traffic Light Area, sa may Barangay Mabini, Cabadbaran City, Agusan del Norte kagahapon April 19, 2025.
Naila ang moang mga suspects nga sila si Johnriel Esma Alibio, 18-anyos, single, walay trabaho,ug residente sa Purok 6, Barangay 9, Cabadbaran City; Elton Esma Alibio, 18-anyos, single, estudyante, ug resident sa Purok 6, Barangay 8, Cabadbaran City.
Sumala sa video ang nag circulate sa social media nga gi post sa Facebook page, makitang nagbitbit og toilet bowl ang usa ka lalaki, ug gibutang kini sa tunga sa traffic light intersection sa Barangay Mabini, Cabadbaran City. Makita sa video ang lalaki nga naghubo ug milingkod sa toilet bowl kansa nakahatag ug disturbo sa publiko, nga ningsangput usab sa obstruction sa traffic flow.
Kasamtangang gi-kostodiya na sa Cabadbaran City Police Station ang duha ka mga suspetsado alang sa saktong disposisyon.
Pangutana karon sa mga netizens, “unsya nakaon sa maong mga lalaki nganong ila man kining nahimo”
