Gikatakdang moprestar ug ebidensya ang prosekusyon sa kasong crimes against humanity ni kanhi Presidente Rodrigo Duterte .
Matod sa piskal sa ICC nga si Karim Khan, kini naglakip sa pipila ka libo ka mga pahina sa ebidensya ug halos 16 ka oras nga mga recording nga ilang ipagawas sa International Criminal Court hearing.
Sa ilang imbestigasyon, nakakolekta sila og daghang documentary materials nga nagkinahanglan pa og legal nga pagtuon sa dili pa ipagawas.
Gideterminar pa nila ang kinatibuk-ang gidaghanon sa written ug non-written documentary evidence nga ilang ipresentar sa confirmation hearing.
Kahinumdoman nga ang kanhi presidente nasikop niadtong Marso 11 human niuli gikan sa Hong Kong ug gidala sa International Criminal Court (ICC) tungod sa iyang maduguong kampanya batok sa ilegal nga drugas.
