Emosyonal nga nakigsulti ang komedyante ug aktor nga si Buboy Villar kang Boy Abunda kagahapon , diin iyang gituki ang mga seryosong alegasyon sa iyang kanhi karelasyon nga si Angillyn Gorens.
Kusog nga emosyon ang gibati ni Buboy sa dihang naghisgot siya bahin sa mga pasangil ni Angillyn kaniya, ug wala niya kapugngi ang paghilak.
Si Buboy hugot nga mihimakak sa mga pasangil sa pag-atake kang Gorins, lakip na ang isyu sa giingong pagtion niya og kutsilyo.
Reaksyon sa komedyante sa mga pasangil nga giingong gisakitan niya si Angillyn samtang nagsabak.
Gihisgutan usab ni Buboy nga walay kamatuoran ang mga pasangil nga nakigrelasyon siya sa ubang mga babaye samtang kauban pa niya si Angillyn Bisan pa sa mga akusasyon, padayon siyang nagsuporta sa mga panginahanglanon ni Angillyn, ilabi na kay duna silay mga anak.
Gibutyag usab ni Buboy ang bahin sa anak ni Angillyn ngadto sa laing lalaki sa wala pa kini makigrelasyon kang Isay.
Matud pa ni Buboy nga girespito gihapon niya si Angillyn ug bisan og bag-o nang karelasyon si Angillyn, wala siya masuko apan gusto lang niya nga atimanon ang ilahang anak sa iyang kanhi uyab.
Dihang gipangutana si Buboy bahin sa iyang mga anak, 7 ug 5 anyos, ug kon nahisgotan ba nila ang bag-ong igsuon o karelasyon ni Angillyn, niingon si Buboy nga wala pa sila maghisgot bahin niini apan murag nakbalo na ang iyahang mga anak.
Sa laing bahin, gitubag usab sa komedyante ang alegasyon nga gigamit nila ang ilang mga anak alang sa content sa vlog nga matud pa dili tinuod.
Nangayo og pasaylo si Buboy sa iyang nahimo kang Angillyn ug sa ilang mga anak.
Samtang nagpabilin ang iyang kabalaka ug tinguha nga magkasinabot sila alang sa ilang mga anak. Samtang naghangyo kang Angillyn, nga maka move on na alang sa ilahang kaayohan .
