Gidayeg ang aktres nga si Marian Rivera tungod sa iyang pagka-mapainubsanon ug pagka-manggihatagon bisan sa iyang kasikatan isip artista.
Atol sa guesting nila ni Marian ug bana nga si Dingdong Dantes sa usa ka podcast, nahinumdoman ni Direk Antoinette Jalandoni nga wala gyud mausab ang batasan sa aktres bisan pa sa kalampusan sa iyang 2007 television series nga Marimar.
Sumala sa direktor, nagtuo sila kaniadto nga basin mahimong suplada si Marian tungod sa paspas nga pagsaka sa iyang popularidad, apan sukwahi kini sa ilang nasinati.
Gihulagway pa niya ang aktres isip usa sa labing manggihatagon nga celebrity nga iyang nailhan. Gisaysay usab ni Direk Antoinette nga usa sa mga nakatandog kaniya mao ang batasan ni Marian nga mag-andam og mga regalo alang sa mga staff nga nagsaulog sa ilang birthday. .
