Nagpadala ang North Korea og dugang nga 3,000 ka sundalo sa Russia kaniadtong Enero ug Pebrero base sa bag-ong taho sa pagtasa gikan sa militar sa South Korea.
Kini nahitabo taliwala sa padayon nga suporta sa North Korea alang sa Presidente sa Russia nga si Vladimir Putin sa iyang away batok sa Ukraine. Gawas niini, gikompirma sa Joint Chiefs of Staff sa SoKor nga nagpadala ang NoKor og dugang missiles, artillery equipments ug mga bala aron pagtabang sa Russia ug para sa Nokor nga madugangan ang suplay sa armas niini alang sa ilang pagdepensa sa ilang nasud.
Lakip sa mga kagamitan sa militar nga gipadala sa NoKor sa Russia mao ang daghang mga short-range ballistic missiles, 170 milimetro nga self-propelled howitzer ug 220 ka yunit sa 240 milimetro nga daghang mga rocket launcher.
Gihimo kini nga lakang sa NoKor taliwala sa mga akusasyon tali sa Russia ug Ukraine nga nakalapas sa bag-o nga ceasfire .
Kini nga taho giluwatan sa South Korean military human ang North Korean leader nga si Kim Jong Un nipadayag sa walay paglubad nga suporta sa gubat sa Russia batok sa Ukraine.
