Natugyan na sa kustodiya sa International Criminal Court (ICC) si former President Rodrigo Roa Duterte human sa iyang pag-abot sa Netherlands kagabie.
Sais minutos una ang alas 12 sa tungang-gabie (oras sa Pilipinas) dihang nagtugpa ang eroplano nga gisakyan sa kanhi pangulo sa Rotterdam nga mao ang pinakaduol nga airport sa The Hague kun asa nahimutang ang international tribunal.
Pasado usab alas tres sa kaadlawon (PH Standard Time) dihang nag-abot ang convoy sakay si Duterte sa Scheveningen detention facility.
Daghan nga mga Pilipino og Duterte supporters ang nagahulat sa gawas sa pasilidad kun asa ang uban sa ilaha ang nagasinggit nga ibalik ang former president sa Pilipinas.
Mismo ang korte ang nagkumpirma sa ilang website nga na-surrender na sa ilaha si Duterte human sa warrant of arrest nga gi-serve tungod sa mga kaso nga “murder” nga makonsidera sumala sa ICC nga “crime against humanity.”
“Mr Rodrigo Roa Duterte… was surrendered to the custody of the International Criminal Court,” suno sa ICC. “He was arrested by the authorities of the Republic of the Philippines in accordance with an arrest warrant issued… for charges of murder as a crime against humanity.”
Sa video nga na-post sa official facebook page ni Duterte una nag-abot sa The Hague, gipasalig niini sa iyang supporters nga maayo ang iyang kondisyon og walay angayang kabalak-an.
Gibalikan niini ang iyang statement nga wala sang kahangaw-an ang mga pulis og militar sa iyang gipangsugo, tungod siya ang manubag og proteksyunan niya sila.
“Okay lang ako. Do not worry, and I think this has something to do with the law and order noon. At sinasabi ko naman sa mga pulis, military na, trabaho kayo at ako ang managot. So, ito na nga,” pahayag sini.
“For all of the whatever happened in the past, ako na ‘yung nag-front sa ating law enforcement pati military. Sinabi ko na, I will protect you and I will… ako ang managot sa lahat,” dugang pa ni Duterte.
Dugang niini, padayunon niya ang pagserbisyo sa iyang nasod, bisan unsa pa kataas ang legal proceedings.
“This will be a long, legal proceedings but I say to you, I will continue to serve my country and so be it kung ganun ang destiny ko. Salamat,” kabahin pa sang iya statement.
Kun basehan ang ICC, may hearing pa nga i-schedule una ang initial appearance sa former president sa international tribunal.
