Naandan kun may flight kita, dili gyud kita mahimutang kung usa ka oras na lang ang nabilin og wala pa kita sa airport.
Ang uban gani, hapon pa ang schedule pero buntag pa naga-adto sa airport.
Sa maong sitwasyon, may ginasunod nga airline policies para sa pag-rebook ukon maghimo og alternative travel arrangements.
May airlines nga nagahatag og brief grace period ukon “flat-tire rule”, apan kun walay polisiya, may airlines usab nga nagamarka sa ticket nga ‘no-show’ nga magkansela sa connecting ukon return flights.
Sa usa ka panghitabo sa Chile, nadelatar ang usa ka flight sa dihang na-late og abot ang usa ka pasahero og sa sobra niini ka desperado nga dili siya mabayaan, gibabagan niini ang eroplano.
Nagpatunga gyud ang lalaki sa runway sa eroplano rason nga dili makalupad ang aircraft bisan nga gi-maniobra na sa mga piloto og andam nga unta sa flight.
Giadtuan sa staff sa airport ang lalaki kauban ang security patrol og gipagawas sa runway og gitugyan sa kapulisan.
Ang imbes gamay lang unta niini nga late, mas nagdugay na hinuon tungod sa proseso gumikan kasuhan pa kini.
Base sa reports, paadto unta ang 29-anyos nga pasahero sa Concepcion, Chile sakay sa Latam Airlines, apan tungod na-late siya, milusot siya sa security, nagdagan sa runway, og nagtindog didto sa usa ka minuto.
Dyes minutos usab nga nadelatar ang flight nga sa kaulahian naglupad nga wala ang maong pasahero.
