Nagpadayon ang kapulisan sa San Isidro Police Station may kalabutan sa natigayong Robbery Incident sailang area of responsiblity partikular na sa usa ka Motor Depot sa National Highway, Barangay City Heights, General Santos City sa miaging adlaw Marso 4, 2025.
Matod pa nga nasayran kini sa trabahante sa maong motor depot alas 8:05 sa buntag ug nareport sa buhatan sa Police Station 4 alas 9:30 sa buntag. Samtang ang suspek niini ang nagpabiling wala pa mailhi.
Sa inisyal nga imbestigasyon sa kapulisan nga niadtong Marso 4, gipahibalo ang kapulisan sa maong panghitabo nga dihang mangabre na ang usa sa personahe sa nahisgutang tindahan iyang nasayran nga abli na ang roll-up door samtang ang padlock ang naguba na.
Gilayon kini nga girespondihan sa patrol team kauban ang duty investigastor ug ilang nasayran nga pwersahang giablihan ug gisulod ang maong tindahan ug nakuha ang duha (2) ka unit sa Yamaha Aerox 155 color blue.
Nasayran usab nga ang suspect ang nigamit ug engine oil ug gear oil nga anaa sailang stock room ug gibutang sa makina sa maong motorsiklo nga gisikwat.
Nigamit usab ang mga suspek ug Plate Number nga gi-issue sa LTO nga nakabutang ra usab sulod sailang office room nga andam nang ihatag sa mga customers.
Matod pa nga ang kantidad sa kada unit sa motorsiklo ang mokabat sa P127,000. Nasayran usab nga ang maong establishement ang walay deployed Security Guard ug CCTV installed.
