Gihimakak sa National Food Authority (NFA) nga gikan kanila ang mga bugas nga nakuhaan og bukbok sa Cubao, Quezon City.
Sa report ni NFA Administrator Larry Lacson, ang bugas nga adunay bukbok nga nakit-an gikan sa Food Terminal Inc. (FTI) nga gipalit gikan sa mga pribadong negosyante sa nasod.
Matod niya nga ang NFA wa magpagawas og bugas kon dunay bukbok, ug kon dunay bugas nga dunay bukbok, ilisan dayon.
Hinuon giangkon sa opisyal nga sa kadaghanon sa bugas nga gitipigan sa ilang mga bodega, dili kini maingon nga 100% zero bukbok tungod kay matod niya aduna pay tagsa-tagsa nga molusot apan ilang gisiguro nga walay mogawas nga bukbok.
Sa samang higayon, giklaro sa opisyal nga ang bugas nga adunay baho mahimo pa nga kan-on basta hugasan kini sa dili pa lutoon tungod kay kasagaran kini mahitabo kung kini tipigan sulod sa tulo ngadto sa unom ka bulan.
