SARANGANI PROVINCE-Nagpabilin sa gihapon ang pahimangno sa local nga panggamhanan sa Alabel Sarangani sa katawhan ilabina sa mga coastal communities nga magpabiling alerto bisan pa nga narescue na ang 7.5-foot nga lalake nga saltwater crocodile sa Mangrove Area sa Purok 6, Barangay Kawas, Alabel kagahapon, pasado alas- 4 sa buntag.
Sa interview sa Bombo Radyo, gibutyag ni Cirilo Lagnason Jr., Protected Area Superintendent sa Protected Area Management Board (PAMB), dili masulti nga wala nay presensya sa buaya sa mga lugar nga may mga bakawan.
Sumala pa niini nga ang mga buaya ang sagad mag-pondo sa mga mangrove areas o makaabot usab sa mga ‘partly salty’ o sa mga fresh water sites.
Hinuon, sa wala pa madakpan ang buaya, walay gikataho nga may napaakan og buaya.
Samtang panawagan ni Lagnason sa tanan nga kung may makita o madakpan dili lang buaya o bisan unsang matang sa wildlife animals ang gilayong ipahibalo sa mga otoridad.
