Malakanyang gipaklaro nga kung nahimong maayo ang kinabuhi sa Pilipino maoy sukdanan sa public service

Gihingusgan sa Malakanyang nga ang tinood nga sukdanan sa pampublikong serbisyo kung nahimong nagmaayo ang kinabuhi sa katawhan.

Kini ang pamahayag ni Executive Secretary Lucas Bersamin human migawas ang labing ulahing survey nga nagkanayon nga 59 porsiyento sa mga Pilipino ang kuntento sa Marcos administration.

Ang survey ang nagsilbing sukdanan sa opinyon sa publiko og suporta sa mga patakaran nga gihan-ay sa gobyerno.

Apan angayang mabati sa katawhan ang epekto sa ilang mga pagpaningkamot og masukod kung nahimong maayo ang kinabuhi sa mga Pilipino.