-- ADVERTISEMENT --
Patay ang duha ka sakop sa 32nd Infantry Battalion sa Philippine Army human gi-ambush sa wala mailhing armadong grupo sa Barangay Upper Cabengbeng, Sumisip, Basilan.
Base sa inisyal nga imbestigasyon, nahitabo ang insidente alas 5:10 sa hapon kagahapon, Enero 22 diin gikarga sa Headquarters Company sa 32IB ang ilang sakyanan aron kuhaon ang representante sa United Nations Development Program (UNDP).
Samtang anaa sa dalan, kalit nga mitumaw ang mga armadong suspek ug gipabuthan ang convoy sa mga sundalo.
Tungod sa insidente, 2 ang namatay sa militar ug 12 ang samdan. Padayon nga gipangita sa mga otoridad ang mga nagpaluyo sa ambush.
