Mius-os og 50% ang presyo sa kamatis sa mga nag-unang merkado, base sa taho sa Department of Agriculture (DA).
Matud ni DA Asec. Arnel De Mesa, gikan sa kanhi P240 matag kilo niadtong miaging semana, moabot na lang sa P120 ang matag kilo nga presyo sa kamatis sa mga merkado karong semanaha.
Layo kini sa kanhi P350 ngadto sa P360 matag kilo nga presyo niadtong 2025.
Ang DA una nga gibanabana nga sa katapusan sa Enero 2025 o sayo sa Pebrero 2025, ang presyo sa kamatis mahimong mobalik sa normal.
Matod sa ahensya, naapektuhan ang suplay sa kamatis sa ulahing bahin sa 2024 tungod sa sunodsunod nga mga katalagman, apan sa hinayhinay nga pag-ani sa mga probinsya nga nag-unang supplier sa kamatis, mibalik usab ang normal nga suplay.
Base sa datus sa DA, moabot sa 45% sa produksyon sa kamatis ang apektado sa sunodsunod nga mga bagyo.
