Sugdan karong adlawa, Oktubre 3, ang hinay-hinay o installment nga pagtaas sa presyo sa liquefied petroleum gas o LPG.
Matud sa Department of Energy o DOE, adunay P10 nga dugang sa matag kilo sa LPG, nga bugti sa P110 nga dugang sa matag 11-kilogram nga ‘cylinder’ sa LPG.
Sa umaabot nga Oktubre 10, mosaka pa og P5 ang presyo sa matag kilo, o bugti sa P55 nga dugang sa matag 11-kilogram nga cylinder sa LPG.
Aduna pay dugang nga P3 sa matag kilo, o P33 sa matag 11-kilogram nga ‘cylinder’, nga ipatuman sa Oktubre 17.
Matud ni LPG Marketers Association founder Arnel Ty, hinay-hinay ang pagpatuman sa pagsaka sa presyo aron dili kalit nga mabug-atan ang mga konsumidor.
Usa sa dagkong hinungdan sa pagsaka sa presyo sa LPG mao ang nagpadayong kagubot sa Middle East.
