Mihatag si US President Donald Trump og full pardon sa 1,500 ka mga rioters nga nalambigit sa pag-atake sa kapitolyo sa US niadtong Enero 6, 2021 sa samang higayon nga iyang gipirmahan ang unang executive order sa unang adlaw sa iyang ikaduhang termino isip Presidente.
Lakip sa gihatagan og full, complete og unconditional presidential pardon ang pipila nga nakonbikto sa mga bayolenteng binuhatan, nga nagpakita nga gituman ni Trump ang iyang saad atol sa kampanya nga molihok sa maong mga kaso sa unang adlaw pa lamang sa iyang pangatungdanan.
Gawas sa pardons, si Trump nag-isyu usab og 6 ka commutations sa sobra sa usa ka dosena nga mga kaso nga gipamub-an ang sentensiya alang sa mga matod pa nagkinahanglan pa og dugang nga panukiduki. Lakip sa mga gi-isyuhan og commutation mao ang founder sa far-right Oath Keepers militia nga si Stewart Rhodes.
Dihang gipirmahan ni Trump ang mga pardon sa Oval Office Lunes sa gabii, oras sa Amerika, nanghinaot siya nga buhian usab dayon ang mga nasampit nga gitawag niya isip hostage o bihag.
Samtang, gimandoan ni Pres. Trump ang Departament of Justice nga ibasura ang tanan sa natanggong nga indictments batok sa mga indibidwal nga may kalabotan sa riot nga natigayon niadtong Enero 6, 2021.
