Pormal na nga nanumpa si Donald Trump isip ika-47 nga presidente sa US. Si Chief Justice John Roberts ang nangulo sa pagpanumpa ni Trump sulod sa Capitol Rotunda. Gawas sa bibliya ni Abraham Lincoln alang sa panumpa, gigamit ni Trump ang iyang personal nga bibliya.
Ang maong bibliya mao usab ang iyang gigamit sa iyang unang termino isip presidente niadtong 2017. Human sa panumpa, nagpabuto og kanyon ang militar sa US isip tradisyon sa ilang pagsaludo.
Ang pagpanumpa gihimo karong adlawa sulod sa Capitol Rotunda tungod sa grabeng katugnaw sa panahon sa gawas.
Sa katapusang higayon nga gihimo ang panumpa sa sulud sa panahon ni kanhi Presidente Ronald Reagan sa US kaniadtong 1981.
Sa wala pa manumpa si Trump, si JD Vance nanumpa usab isip iyang bise presidente nga gipangulohan ni Supreme Court Justice Brett Kavanaugh.
Ang mga napili nga maglangkob sa iyang gabinete mitambong sa maong panumpa ingon man ang mga kanhi presidente sa US ug ilang mga kapikas.
